Klinaku pas takimit me Kurtin: I thamë se ka bazë ligjore për të ofruar garanci për krerët e UÇK-së

                                          Kryeministri Albin Kurti ka pritur në takim drejtuesit e Organizatës së Veteranëve të Luftës së UÇK-së.Ushtruesi i detyrës i kryetarit të kësaj organizate, Faton Klinaku, ka thënë se mes tyre është diskutuar për tema të ndryshme, duke përfshirë atë të ofrimit të garancisë për mbrojtje në liri të ish-drejtuesve të UÇK-së që ndodhen në paraburgim në Hagë.“I kemi thënë se ka bazë ligjore, sepse Ligji për Dhomat e Specializuara në Hagë, Neni 41 parasheh mbrojtjen në liri. Ai [Kurti] do të shohë edhe mundësinë. Ne i kemi paraqitur vetëm kërkesat tona”, është shprehur Klinaku, në Klan Kosova.“Kemi kërkuat që të funksionalizohet zyra pranë Qeverisë për kategoritë e dala nga lufta. Javën tjetër me siguri do ta bëjë. Kemi kërkuar të zbatohen ligjet e veteranëve dhe invalidëve. Kemi kërkuar që ministrit t’i bëjnë aktet nënligjore që ligjet për kategoritë e dala nga lufta të zbatohen”./