Kosova humbi njërin nga mjekët më të zotët mjekun legjendë Dr Zenel Kabashin
Lajm i trishtë për mjekësinë kosovare është ai i bërë publik se ka ikur në amshim njëri nga mjekët më të mirë të Kosovës Dr Zenel Kabashi nga Korisha e Prizrenit Mjeku i njohur Zenel Kabashi ka vdekur sot në moshën 79-vjeçare.
Lajmi për vdekjen e tij është bërë i ditur nga institucioni shëndetësor ku ishte i angazhuar së fundmi, Qendra Diagnostike Terapeutike “EndoMed-B”.
“Me pikëllim të thellë lajmërojmë se sot u nda nga kjo jeta bashkëpunëtori jonë Dr. Zenel Kabashi. U prehtë në paqe”, ka shkruar EndoMed-B në Facebook.
Kabashi ishte internist dhe gastroenterolog. Diplomoi në vitin 1968 në Universitetin e Sarajevës, Fakulteti i Mjekësisë, kurse specializoi në Beograd.
Për dekada punoi në Qendrën Klinike Universitare të Kosovës .Mjeku Zenel Kabashi ishte njëri nga mjekët legjendë që ka bërë gjithë jetën e tij në shërbim të shëndetit të qytetarëve./qendrapress.com/