KQZ mblidhet sot për të proceduar pas vendimeve të Gjykatës Supreme

Komisioni Qendror i Zgjedhjeve (KQZ) do të mblidhet sot në orët e pasdites për të proceduar konform vendimeve të supremes. Kështu ka bërë të ditur në një prononcim për Telegrafin zëdhënësi i KQZ-së, Valmir Elezi.“Komisioni Qendror i Zgjedhjeve do të lexojë me vëmendje të gjitha vendimet e Gjykatës Supreme dhe ashtu siç e kemi bërë të ditur qysh në fillim të fazës ankimore: Do të veprojmë në përputhje me vendimin e Gjykatës Supreme. Kamioni Qendror i Zgjedhjeve, besoj se do të mblidhet gjatë ditës së nesërme për të proceduar konform vendimeve të Gjykatës Supreme dhe për këtë do t’iu njoftojmë me kohë””, ka thënë Elezi.Ndryshe, të premten Gjykata Supreme ka vendosur rreth ankesave të subjekteve politike për certifikimin e listave të kandidatëve për deputetë.Kjo gjykatë ka urdhëruar Komisionin Qendrore Zgjedhorë (KQZ) që kandidatëve për deputetë nga Lëvizja Vetëvendosje (LVV) Liburn Aliu dhe Labinotë Demi Murtezi të ju lejohet përfshirja në listën e kandidatëve për deputetë. Edhe për kandidatin për deputetë Shemsedin Dreshaj, nga Aleanca për Ardhmërisë së Kosovës (AAK), Gjykata Supreme ka marr vendim që ti lejohet përfshirja në listën e kandidatëve