LAJMI I FUNDIT: Thaçi del të hënën në ora 15:00 para Gjykatës Speciale

Gjykata Speciale ka dhënë detaje për paraqitjen e parë të ish-presidentit të vendit para Tribunalit Special

Në njoftimin e Speciales, thuhet se Thaçi do të dalë para Dhomave të Specializuara me datë 9 nëntor në ora 15:00.

. Ai u arrestua nga Zyra e Prokurorit të Specializuar më 5 nëntor dhe u transferua në objektin e paraburgimit të Dhomave të Specializuara të Kosovës (DHSK) në Hagë në të njëjtën ditë.

Aktakuza e ngarkon Hashim Thaçit me akuza për krime lufte dhe krime kundër njerëzimit sipas të drejtës ndërkombëtare, për forma të ndryshme të përgjegjësisë penale.

Paraqitja e parë e Hashim Thaçit do të mbahet në seancë publike.