Mbi 1 mijë personave u njihet statusi i personave të dhunuar gjatë luftës

                           Komisioni Qeveritar për njohjen dhe verifikimin e statusit të personave të dhunuar gjatë luftës së fundit në Kosovë këtë status ua ka njohur një mijë e 40 personave, nga gjithsej një mijë e 586 sa kanë aplikuar deri tani.Kështu ka bërë të ditur për kryetarja e Komisionit Qeveritar për njohjen dhe verifikimin e statusit të personave të dhunuar gjatë luftës, Minire Begaj-Balaj.Në shkurt  të vitit 2018, ka filluar punën Komisioni Qeveritar për njohjen dhe verifikimin e statusit të personave të dhunuar gjatë luftës se fundit  në Kosovë.Kryetarja e këtij komisioni, Minire Begaj-Balaj, tha se komisioni që ajo drejton ka bërë një punë të mirë përkundër sfidave me të cilat janë përballur. Ajo tha se secilit rast po i jepet koha e nevojshme në mënyrë që procesi të jetë i drejtë dhe korrekt.“Puna jonë e komisionit, përkundër që është proces i ndjeshëm, po ai jep secilit rast kohën e duhur, për arsye se nuk janë raste të lehta ku secili rast është histori në vete. Për ketë arsye komisioni në fazë të kompetencave dhe përgjegjësive po i përdorim të gjitha mënyrat dhe mjetet në fuqi për të siguruar një proces të drejtë”, tha ajo për televizionin publik.Begaj, bëri të ditur se që nga fillimi i punës së këtij komisioni, në shkurt  të vitit 2018, kanë aplikuar gjithsej një mijë e 586 persona, prej të cilëve  statusi u është njohur  një mijë e 40 personave.“Prej muajit shkurt 2018, kur edhe kemi filluar zyrtarisht në nivel vendi, kemi pranuar një mijë e 586  aplikime. Prej tyre të shqyrtuar dhe që ua kemi njohur statusin janë një mije e 40 personave. Ka edhe një numër të konsiderueshme të aplikimeve të cilat pritet të shqyrtohen pasi të sjellin dokumente shtesë”, shtoi ajo.Sipas statistikave të publikuara në Kosovë, janë mbi 20 mijë viktima të dhunës seksuale gjatë luftës së fundit.  Kompensimi i personave që kanë fituar  statusin e të dhunuarve gjatë luftës është 230 euro në muaj. Me legjislacionin në fuqi procesi i aplikimit është i hapur  deri në muajin shkurt të vitit 2023