Me ngut e paske me e shit tradhtinë, Kryeministër! –Shkruan;Hisen BERISHA, deputet i PDK-së në Parlamentin e Kosovës

                  Nga takimi në Forumin e Bledit për strategji në Slloveni, Kryeministri Kurti doli me kërkesën për “normalizim të raporteve me Serbin”, meqë po shkojmë ne vit zgjedhor në SHBA dhe BE, ku priten ndryshime të mëdha politike dhe ideologjike. Arsye kjo shumë indikativë. Nga çka po frikohet Kryeministri ultramajtist kosovar, që për tre vite qeverisje i ka mbyllur po thuaj të gjitha dyert e demokracive perëndimore?! Athua se me ngutin për normalizimin e raporteve me Serbinë, po mundohet ta shes tradhtinë që po i bën vendit me marrëveshjet që ka bërë gjatë dialogimi me procesin e reformatimit të tyre dhe të vet dialogut, bashkë me Statutin e Beogradit. Në përmbyllje të sesionit pranveror të kuvendit, e konfirmoi se ka rrëshqitur mu aty ku e kisha paralajmëruar, pra në tradhti ndaj interesave të vendit. Tani e ka problemin si ta paketon ketë tradhti, për ta shitur në popull të cilin ende po e mban të hipnotizuar me mashtrimet trushplarëse. Pas takimit që bëri Kurti në Greqi me Vuçiqin, i cili po ashtu, po ia numëron vetit ditët e pushtetit, ka rrezik që këta pasardhësit e shkollës së vjetër, të përdorin krizat politike dhe përplasjet ndëretnike, si doktrina për mbijetesë në pushtet. Prandaj dyshoj se nëse jo në Veri të Kosovës, për shkak të mandatit që ka NATO/KFOR në Kosovë, atëherë mund ti koordinojnë veprimet e tyre për një “eskalim të kontrolluar të situatës në Kosovë Lindore, Preshevë, Bujanë, Medvegjë”, etj. Kombinatura diplomatike e qeverisë Kurti 1e2, me refuzim të marrëveshjes së Uashingtonit, njohjes nga Izraeli dhe refuzimi i vizitës me ftesë të qeverisë izraelite dhe raportimi në Stamboll, pastaj reformati i marrëveshjes së Brukselit “All in One” me njohjen, reformatim të dialogut që nga Brukseli me Planin franko-gjerman, dhe Statutin e Beogradit, në Oher me Aneksin pë implementim të detyrimeve nga Plani, tërheqjen me kushte në Bratisllav, është rrugëtimi politik që po e dërgon çështjen e Kosovës në Moskë, e cila është larg nga Brastisllava 2.100 km dhe varësisht a shkon në rrugë ajrore apo tokësore, ju duhen 3 përkatësisht 24h. Cila do qoftë rruga, të këqijat vijnë me shpejtësi mediale. Por lëvizja e çështjes së Kosovës nga Uashingtoni në Moskë, mbi 8000 km, është distancë historike e tradhtisë ndaj kombit tënd Albin, pa ua paragjykuar përkatësinë etnogjenetike./www.qendrapress.com/