Me poeten; Lola Musliaj AGAJ

JE TI

Në mes meje

e marrëzisë

je ti,

strehëz e stinëve

të zemrës teme,

mallkueshmënisht më fton

në melankoli

t’ asaj që ishte

e me kohën mâ tepër zbehet…

E pra ik,

ik dikund larg,

as gjurmë mos len,

as hijerândë në prag,

as aromë nëpër ajër,

as shije mbi lëkurë,

as gishta nëpër plagë,

as prekje mbi buzë.

Në mes meje

e marrëzisë

je ti,

strehëz

e mbushun melankoli,

mos më përmbyt,

ik dikund,

në marrëzinë tânde

kjaj e qesh pa mu ! ….