Me poeten; Shukrije GASHI
MBI URNËN E FERRIT DASHURI
(31 JANAR 2014)
————————–
Kur të vish eja me shpirtin lakuriq
Këmishën e Mëkateve
vare në një degë vjeshte të vonë
Pranverat e Harrimit le të ringjallen në te
Sonte në tryezën e përshpirtjes
sërish të kam shtruar dashuri
sitisur me pjalmin e pikëllimit pelim
Në këtë janar trishti pa ngjyrë dimri
dhembja le të derdhet e qetuar
në shtrojat e vetmisë
dehur në Kupat Tona plotë zbrazësi
dhe pak meze nga hiri i mallit peng
të na shijoj Pranverën e Ikur me Shi
Për mëkatet e së djeshmes
mbi Urnën e Ferrit do ecë pa ndrojtje
për të prekur sërish pjekjen e mallit
me Sytë e Tu…
/www.QendraPress.com/
