Me Poeten:Migena ARLLATI

IKIN…!

———————–

Si na ikin njerëzit!

Largohen miqtë ngadalë

ashtu në rradhën e parradhë…

Shtrëngojmë duart e takojmë sytë

për aq sa i kemi pranë,

ulur në sofrën e zemrës

pak dashuri, sa pak shpërndajmë!

Dhe ikin miqtë në rradhën e parradhë,

të vetëm shtegtojnë

në vjeshtën e bardhë

Ne, mbesim këtu,

me një grusht kujtime,

me një barrë mërzie…

E di se një ditë do të jetë rradha ime!

/www.QendraPress.com/