Mesjava me poeten;Ramije Ukaj
![](https://qendrapress.com/wp-content/uploads/2020/09/ramije-ukaj-2.jpg)
MËNGJES VJESHTE
Një rrezeje të diellit vjeshtak
Sot ia hapa perden e vetmisë
Mbi gjethet përtokë rigonte shi
Sikur lotët në ditarin e mërzisë
Gjithë andej një mjegull e hollë
Si me vello ka mbuluar malet
Rend me rend zogj shtegtarë
Cicërima e tyre kurrë s`ndalet
Edhe unë jam bërë si vjeshta
Që më sjellë shumë nostalgji
Dikur në Korishë isha ujëvarë
Ku ëndërroja për një dashuri
Në dritaren time tash ka diell
Që i jep dritë luleve të mia
Edhe shpirtin ai ma ngrohë
Përtërihet zemra nga dashuria.