Nesër parashihet të jetë dita më e nxehtë e kësaj jave

Besim Aliu nga Instituti Hidrometeorologjik i Kosovës (IHMK), ka thënë se temperaturat më të larta gjatë ditës së sotme janë shënuar në qytetin e Prizrenit dhe Kamenicës me 35 gradë Celsius.“Në Istog, Prishtinë, Ferizaj, Malishevë, Mitrovicë – 34 gradë Celsius, Podujeva me 33 gradë Celsius dhe në viset malore kuptohet atje kemi diku 30 gradë Celsius”, ka thënë Aliu, duke shtuar se nesër (e marte) parashihet të jetë dita më e nxehtë e kësaj jave. Aliu ka shtuar se nesër mund të jetë dita më e nxehtë edhe e këtij muaji sepse sipas tij, temperaturat maksimale do të jenë deri në 37-40 gradë Celsius.  Ai ka treguar se në këtë të mërkure do të kemi disa vranësira, derisa ka theksuar se në disa zona të izoluara pritet të bie edhe breshër sepse vranësirat do të jenë në zhvillim e sipër./RTV Dukagjini