Nga nesër kthehen rrebeshet e shiut në Kosovë 

                               Gjatë ditës së nesërme në territoret tona pritet të ketë zhvillime të vranësirave të shiut të cilat pritet të kushtëzojnë rrebeshe lokalisht të fuqishme shiu me vetëtima dhe bubullimë.Këto zhvillime do të jenë të karakterit lokal dhe nuk do të kapin tërë territorin.Zhvillime më të forta parashihen në veri-veriperëndim-qendër të Shqipërisë, duke mos përjashtuar edhe jugun e vendit, jug të Malit të Zi, ndërsa zhvillime të stuhive lokale parashihen edhe në Maqedoninë Veriore dhe Kosovë, por në Kosovë dhe Maqedoni reshjet do të jenë më të lokalizuara dhe do të përfshijnë më pak territor.  Në Shqipëri për shkak të reshjeve të ditëve të kaluara çdo reshje e re intensive në zonat ku ka patur përmbytje mund të shkaktojë probleme të reja. /MeteoBallkan