Parashikimi i motit për sot, a priten reshje shiu

Mot me vransira e diell paraqitet mbi vend ditën e martë. Që nga orët e mëngjesit shfaqen kushte për reshje lokale shiu, kryesisht nga pjesët perëndimore të vendit, që më vonë pasdite mund të shtrihen edhe në pjesë tjera.Do të fryjë erë mesatare dhe mesatarisht e fuqishme nga juglindja 7-15m/s. Temperaturat minimale zbresin në 9C e 10C, ndërsa ato maksimale luhaten ndërmjet 17C e 19C.Vransira dhe të reshura shiu kohëpaskohe parashihen ditën e mërkurë, orëve të mbrëmjes të shoqëruara edhe me bubullima. Reshje shiu priten edhe ditën e enjte dhe të premte, ndërsa të shtunën do të ketë më shumë intervale me diell. Temperaturat maksimale pas një rënie në 15C e 16C, deri në fundjavë sërish kapin vlera prej 20C, njofton Prishtina Weather.