Përurohet kooperativa ‘Krusha’, përkrahet nga BE dhe disa biznese vendore të koordinuara nga Ambasada e Shqipërisë

                        Me përkrahjen e Bashkimit Evropian dhe bizneseve vendore të koordinuara nga Ambasada e Shqipërisë është përuruar kooperativa bujqësore “Krusha”.Pikërisht në Ditën Ndërkombëtare të Gruas, sipas ambasadorit të Shqipërisë në Kosovë, Qemal Minxhozi i cili mori pjesë në këtë përurim u tha se, gratë e Krushës do të kenë mundësinë të mbajnë familjet, të rrisin fëmijët e të kontribuojnë në zhvillimin e zonës. “Gati 5 vjet më parë, ky projekt ishte një ëndërr, të cilën vetë Fahrie Hoti, heroina dhe shembulli i gruas së pamposhtur, që nuk u dorëzua kurrë, nuk besonte se do bëhej realitet. Me mjediset e reja bashkëkohore, të denja siç i ka hije, gratë e Krushës do të kenë mundësinë të mbajnë familjet, të rrisin fëmijët e të kontribuojnë në zhvillimin e zonës”, thuhet në njoftimin e Ambasadës së Shqipërisë në vendin tonë.