Poezi festive në ndërrim motmotesh me poeten.-Barie ÇUPI

Gjysma shpirtit zgjohet.

———————————-

Po nisem për larg,

solstici i dimrit bie,labirint i tjetërsuar mbi tokë,

nata përpëlitet e mbush distancat,

në stacionin e fundit parkohet tjetër botë.

Ngutshëm çastet e pritjes,

kalojnë si endacake ngarkuar në pafund,

një plan të vetin ka jeta,

kur ëndrrash në duel na mund.

Koha përpëlitet në silueta plot arie,

një e vockël buzëqeshje,e gjitha përmallim,

një e roztë flakë m’i veson mendimet,

përtej resh hidhem të marr një përqafim.

Si lëmsh i ngurtë e djeshmja m’është mpirë,

vij mbushem frymë,ku gjysm’e shpirtit zgjohet,

struket i njëanshëm dielli dimëror,

s’më lypset asgjë,kur ime bij’begatohet.

/QendraPress/