Poezi festive në ndërrim motmotesh me poetin.-Gazmend BEQAJ

POROSITË E DËSHMORËVE

———————————-

Janë varret e dëshmorëve

që shpërfaqin

fytyrën e vërtetë të luftës

dilemat dhe dyshimet

se liria

për të cilën ata luftuan

nuk i solli

të gjitha pritjet…

Janë varret e dëshmorëve

që me përulësi ftojnë

të harrohen mizoritë

plagët loti dhimbjet

të harrohen shpërthimet

gjaku e klithmat

e të mos i dëgjojnë kurrë më

fëmijët

as fëmijët e fëmijëve tanë

thirrjet e përvuajtura

të engjëllit të mëshirës…

Janë varret e dëshmorëve

nga dalin porositë

si pëllumba të paqes

në vend të shpërthimeve

e krismave të pushkës

rrugëvë të paqes e urtisë

le të shpërhapet

melodi e bukur e dashurisë

/QendraPress/