Poezi festive nga poetja: Arjana Fetahu GABA
O Flamur Je Shqipëri
O flamur të kam në gjak,
Je betimi që marr hak,
Për Atdhe turrem në flakë,
Je në gjoksin tim i dlirë,
Si një lule bukur mbirë,
Me ty jam Shqiptar i ilirë.
O flamur je Shqipëri,
Je Kosovë, je Çamëri,
Je Atdhe, je dashuri!
Je fuqia e një sharkie,
Je buzëqeshja e një fëmije,
Rritur në ninullë lirie,
Të valvitesh mot më mot,
N’tokë të babës të jem zot,
Të mos shoh të nënës lot.
/www.qendrapress.com/
