Poezi festive nga poetja:Valbona AHMETI
SHQIPËRI NË KATËR POLE
————————————
Lundërtar i humbur
Shpirtin e kam grumbull shkrapash ndezur
Lotët më rrjedhin mbi qepallë
E djegin zjarr
Për ty Atdhe
Velat e shpirtit trazohen
Nga shtrëngatë e nostalgjisë
Krahët të të përqafoj më mallohen
O bukuri e Shqipërisë
Kur më kaplon malli
T’ia shpalos Mëvetësisë ballin
E kthej kujtimin në Krujë, në Vlorë
E në Prekazin Legjendar
Kur kam nevojë për oksigjen në këtë Univers
Të shtrëngoj fortë, të mbaj lartë dhe brohoris jam kuq e zi
Kur të mbaj në gji, e shijoj aromën Atdhe
Me grimca dielli e shkruaj të kam fole
Ma merr lotin e ngjyer në mallëngjim
E kthen në melodi buzëqeshje dhe bekim
Ti fluturon mbi det
Me erën dhe retë
Vjen më thërret me ngjyrën flakë
Dridh tela zemre në çdo kontinent
Vjen krahëhapur më aromën e Jonit
Mbledhë zogjtë e tu anembanë globit
Tingulli i himnit tënd kalon dete dhe oqeane
Ti na bën të ndihemi Shqipëri në katër pole
Me 28 Nëntor
Një zë zëmrës i troket
Ritmet e pulsit ia nget
Flakadan zgjohu!
Ti dhe flamuri sot ditëlindjen festoni!
Valbona Ahmeti
27 Nëntor 2022
