Poezi;Qazim Thaçi- Në ndërrim motesh

Në ndërrim motesh

Më falni ju që këtë vit ikët në amshim

Na latë një mal dhembje e një mal mallëngjimi

Ju u shuat  e ne që mbetem kemi një dëshirë

Që këtë brishtësi motesh mos  ta kemi as pas një shekulli

Kjo brishtësi e stërngarkuar më dhembje një shekull mat

Histori dhembjesh, kur na mungojnë të  gjithë

Dikush I shuar  nga e jeta  e të tjerët të shuar nga mirësia

Kotësi ndjenjash  na kanë ulur këmbëkryq mes jetës  e jetëvdekjes

Në këtë ndërrim motesh  nuk pati borë nuk pati as  kartolina

Jo nuk pat  as kujtime mortesh  se po na ndahet bota  si nocion

Kurse  ne po masim vdekjen   më pëllëmbë  e shikim ka dielli

Në këtë ndërrim motesh veç vajesh a kujtimesh a pati diç tjetër na thuani……