Policia kap 19 kg marihuanë në Prizren, arrestohet një person  

                            19 kilogramë mariuhanë i janë gjetur dhe konfiskuar një personi në Prizren, njoftoi Policia e Kosovës.I dyshuari është arrestuar dhe dërguar në mbajtje për 48 orë.Rasti ndaj tij është inicuar për blerje, posedim, shpërndarje dhe shitje e paautorizuar e narkotikëve, substancave psikotrope dhe analoge.

Komunikata e plotë:

Konfiskohen mbi 19 kg marihuanë dhe arrestohet një i dyshuar

Prishtinë, më 21 dhjetor 2022

Hetuesit policorë nga Drejtoria për Hetim e Trafikimit me Narkotik-Sektori Qendror, kanë trajtuar një informacion për posedim të lëndëve narkotike nga një i dyshuar. Kështu, pas hetimeve paraprake, kanë arritur ta identifikojnë të dyshuarin; A.Q., (viti i lindjes 1983, mashkull kosovar), kanë arritur ta lokalizojnë shtëpinë e tij dhe sot, më 21.12.2022, pas plotësimit të procedurave për kontroll nga organet e drejtësisë, në ora 12:27 është kontrolluar shtëpia e të dyshuarit.

Gjatë kontrollit të shtëpisë së të dyshuarit në Prizren, policia ka arritur të gjejë dhe të konfiskojë 19 kg 546 gr substancë, dyshohet të jetë e llojit marihuanë.