Rama në OKB: Kjo Asamble nuk është e plotë pa Republikën e Kosovës

Kryeministri i Shqipërisë, Edi Rama gjatë fjalës së mbajtur në Asamblenë e Përgjithshme të OKB-së u ka bërë thirrje vendeve anëtare që të njohin pavarësinë e Kosovës.“Kjo Asamble e madhe nuk është dhe nuk do të jetë e plotë pa një prej shteteve të rajonit tonë, Republikën e Kosovës”, deklaroi kryeministri i Shqipërisë.Rama tha se në 13 vite pavarësi të Kosovës, ajo i ka sjellë më shumë para dhe stabilitet rajonit të Ballkanit Perëndimor.Ai tha se Shqipëria mbështet si alternativë të vetme dialogu Kosovë-Serbi për njohje të ndërsjellë.“Vetëm kuraja dhe vizioni do ta lejojë më në fund Serbinë të heqë barrën e së shkuarës”, tha Rama, raporton Euronews.al.Gjatë fjalës në Sesionin e 76-të të Asamblesë së OKB-së, Rama foli edhe për çështjen e integrimit të Shqipërisë në Bashkimin Evropian. Ai tha se Shqipëria është gati për të hapur negociatat“Ne presim me padurim në konferencën e parë ndërqeveritare për të çelur negociatat me anëtarësimin. E dua ta përsëris Shqipëria ka kohë që është gati ajo pret që BE ta bëjë pjesën e saj”, deklaroi kryeministri i Shqipërisë.