Raportimi për vjedhjen e çantës së delegacionit kosovar në Bruksel, flet protagonisti i ngjarjes
Anëtari i delegacionit kosovar për dialogun Kosovë-Serbi, Muhamet Mustafa, ka reaguar pas raportimeve të mediave se javë më parë në Bruksel i është vjedhur çanta me dokumente konfidenciale të shtetit.
Mustafa ka mohuar këtë lajm, teksa ka thënë se në çantën që i është vjedhur ka pasur dokumente personale dhe të holla.
Sipas tij, pas një kohe dokumentet i janë kthyer, ndërsa të hollat jo.
Ai shton se bëhet fjalë për një humbje personale që s’ka të bëjë me delegacionin.
Postimi i tij i plotë:
NUK KA NDODHUR ASNJE SKANDAL : JANE HUMBUR GJERA PERSONALE
Ne nje portal u lajmerua se eshte humbur nje cante e delegacionit te Kosoves per bisedimet ne Bruksel, dhe se kjo eshte mbajtur fshehte dhe kjo paraqitet si skandal . Mua me ka ndodhur te humbi ( ose te me vidhet) canta ku kam pase dokumente personale dhe te holla. Pas nje kohe dokumentet jane kthye, por te hollat jane marre. Pra eshte nje rast i nje humbje personale dhe nuk ka asgje te beje me delegacionin, tentimet qe nga kjo te ndertohet nje “skandal” jane absurde. Natyrisht qe ne per kete nuk kemi pase nevoje te mbajme konference per shtyp por as qe e kemi mbajtur fshehte, pasi nuk kishte asnje nevoje per kete.
