Rrëfimi i Ramush Haradinajt: Edhe unë dhe familja e motrës sime u helmuam në Deçan, këto ishin simptomat
Kryetari i Aleancës për Ardhmërinë e Kosovës, Ramush Haradinaj ka thënë se edhe ai ka qenë në mesin e të helmuarve në Deçan.Ai në “Politiko” të Kanal 10 e ka konfirmuar se edhe vet ka pasur simptoma por jo të mëdha, shkruan Gazeta Online “Reporteri.net”.“Të them të drejtën nuk kam pasur simptoma të mëdha, kam pasur pak por jo të mëdha/ Fëmijët e motrës Antifonës po. Shumë të afërm. Nuk është diçka që shpjegohet si gjendje”, tha ai.Haradinaj tha se ka një qetësim të gjendjes.“Është zvogëluar numri i atyre që kërkojnë ndihmë mjekësore që jep shpresë se do të ndërpritet kjo gjendje. Situatë mjaft e çuditshme dhe jo e zakonshme. Sidomos dy ditët e para kanë qenë të rënda. I Kam parë njerëzit duke vuajtur e veçanërisht ishte e dhimbshme t’i shohësh fëmijët duke vuajtur”, tha ai.
