Rregullat e reja të lëvizjes në zonën Shengen, nga 1 janari 2021 procedura të reja për shtetasit nga Shqipëria që udhëtojnë në Evropë

Duke nisur nga data 1 janar e vitit 2021 të gjithë shtetasit nga Shqipëria që duan të udhëtojnë në zonën Shengen do të përballen me një sistem të ri të vizave.

Ky program i quajtur Sistemi i Autorizimi dhe Informacionit Elektronik të Udhëtareve (ETIAS) ka për qëllim filtrimin e të gjithë atyre që udhëtojnë, për të ruajtur kufijtë e Bashkimit Evropian.

ETIAS do të vihet në zbatim pas katër vitesh që u desh të zhvillohej dhe prek 60 vende të ndryshme të botës, përfshirë këtu edhe Shtetet e Bashkuara të Amerikës.

Ky sistem i ri konstiston në faktin që qytetarët e këtyre vendeve, do të duhet të plotësojnë një formular online, që merr vetëm 15 minuta kohë, nëpërmjet një telefoni të mençur, kompjuteri ose tableti.

Në këtë formular, udhëtarët do të duhet të japin detaje për udhëtimin e tyre, ku përfshihen të dhënat për shëndetin dhe sigurinë.

Sistemi ETIAS, kërkon që të gjitha informacionet të jetë në besueshme, pasi çdo e dhënë në formular do të kontrollohet bazuar në të dhënat e Bashkimit Evropian, siç është Interpoli apo Europoli.

Në të kundërt, aplikimi do të refuzohet dhe udhëtarët do të duhet që të riaplikojnë duke dhënë të dhënat e tyre të sakta.

Megjithatë, të gjithë udhëtarët, nga këto 60 vende, ku bën pjesë edhe Shqipëria, do të duhet që në fund të aplikimit të tyre të paguajnë një tarifë, nëpërmjet një karte krediti ose debiti.

Pas miratimit të autorizimit, sistemi kërkon që udhëtarët të kenë një kopje të formularit të miratuar, që më pas do të paraqitet pranë zyrave të emigracionit të vendeve Shengen.

ETIAS sqaron se ky autorizim është vetëm për qëllime biznesi dhe turizmi dhe nuk përshin udhëtimet për qëllime punësimi, pasi për këtë të fundit, udhëtarët do të duhet të aplikojnë për një tjetër vizë.

Procesi i marrjes së një autorizimi të tillë për të udhëtuar ne zonën Shengen merr deri në 72 orë kohë, ne raste të vonesave apo pushimeve zyrtare.

ETIAS do të jetë e vlefshme për tre vite, ku mbajtësi i saj do të mund të qëndrojë në vendet Shengen 90 ditë, brenda një periudhe prej 6 muajsh. /TCH/