Sekretari amerikan i Shtetit, Blinken: Donacioni prej 500 mijë dozave e sjell Kosovën 20 për qind më afër qëllimit për vaksinim

                   Pas arritjes në vendin tonë të kontingjentit prej 35,100 dozave të vaksinave dhe zotimit të SHBA-ve se do ta mbështes Kosovën me 500 mijë vaksina Pfizer, Sekretari amerikan i Shtetit, Antony Blinken, ka thënë se këto doza e sjellin 20 për qind më afër arritjes së qëllimit të Kosovës për vaksinimin.“Sot SHBA dhuroi kontigjentin e parë nga 500,000 doza Pfizer për Kosovën, duke e sjellë atë 20 për qind më afër arritjes së qëllimit të saj të vaksinimit. E dhënë përmes COVAX, kjo dhuratë përfaqëson vlerat e përbashkëta dhe lidhjet e palëkundura midis njerëzve tanë. Së bashku mund ta mposhtim COVID-19”, ka shkruar Blinken në llogarinë e tij në Twitter, transmeton Telegrafi.Edhe zëdhënësi i Departamentit Amerikan të Shtetit, Ned Price ka thënë se një Kosovë e shëndetshme  dhe e pavarur është një partner i fuqishëm për Shtetet e Bashkuara të Amerikës.Këto komente Price i ka bërë në Twitter pas donacionit të mbi 35 mijë dozave Pfizer për Kosovën nga ShBA-ja në kuadër të 500 mijë vaksinave në total që pritet të arrijnë në Kosovë në vazhdim.Price ka shkruar se po përmbushin premtimin e presidentit Joe Biden për ta furnizuar Kosovën më 500 mijë vaksina. “Një Kosovë e shëndetshme, që e merr veten shpejt dhe e pavarur është një partner më i fortë për Shtetet e Bashkuara. Kjo është arsyeja pse ne po e përmbushim premtimin e presidentit Joe Biden duke siguruar mbi 500,000 doza të vaksinës Pfizer për partnerët tanë në Kosovë”, ka shkruar Price