SHKA “AGIMI”NË SHENJË KUJTIMI KUJTON ZEF KRASNIQIN

          Me pikëllim të thellë morëm lajmin se ditë më parë  ndërroj jetë  anëtarit i devotshëm i  SHKA “AGIMI” të Prizrenit, Zef Kolë Krasniqi. Ai ishte njeri ndër anëtaret e kësaj shoqëri që nga themelimi.

Zef Kolë Krasniqi u lind  më 1 mars 1929 në Prizren.

Për herë të parë filloi të  punojë  në Shtypshkronjën e Shkodrës. Në ndërkohë kthehet në Prizren dhe në fillim punon në librari dhe më pas në shtypshkronjën e Prizrenit.

Karrierën e tij të mësimdhënësit e fillon në Kamenicë për të vazhduar në trevën e Opojës. Pas disa viteve punë në mësimdhënie në fshatrat e Opojës, emërohet mësues në Prizren.

Pas një kohe, Zefin e gjejmë folës në Radio Prishtinë.

Pasi nevoja për kuadro të arsimit ishte e madhe, Zefi kthehet në Prizren dhe  punon arsimtar i gjuhës frënge e më vonë profesor i gjuhës shqipe në Shkollën e Mesme të Muzikës.

Karrierën e tij në punën arsimore e përfundon inspektor i arsimit për lëndën e Gjuhës shqipe.

       Në emër të Kryesisë dhe të gjithë anëtarëve  të SHKA “AGIMI”, shprehim ngushëllimet më të sinqerta për të afërmit, miqtë dhe të gjithë ata që e njohën mësimdhënësin, artdashësin dhe njeriun e urtë, i cili shkoj në jetën e amshuar.

Kontributi i tij në SHKA “AGIMI” do të jetë i paharruar. 

Ndërroj jetë më 6 korrik 2020 dhe u varros më 7 korrik 2020 në Prizren.

U prefsh në paqe Zef Kolë Krasniqi!

Prizren, 16 korrik 2020                                             Nga SHKA  “AGIMI”