Situata alarmante me COVID, nis mbledhja urgjente e Këshillit të Sigurisë Kombëtare

                                  Kryeministri i Kosovës, Albin Kurti e ka thirrur urgjentisht mbledhjen e Këshillit të Sigurisë Kombëtare pasi sitauta me koronavirus është bërë tragjike në Kosovë. Mbledhja, sipas njoftimit të Zyrës së Kryeministrit ka nisur nga ora 17:00 .Paraprakisht, Zyra e Kryeministrit njoftoi se Kurti e ka anuluar udhëtimin për në Alpbach të Austrisë, ku ishte i ftuar të marrë pjesë në Forumin Evropian Alpbach 2021. Situata e ditëve të fundit me koronavirus është bërë tragjike në Kosovë. Sot janë regjistruar 36 vdekje brenda 24 orëve të fundit. Spitalet janë stërmbushur me pacientë, ndërsa bëhet fjalë për mbi 25 mijë raste aktive në vend