Sot dhe nesër mot më i mirë, temperaturat deri në 15 gradë celsius

                           Instituti Hidrometeorologjik i Kosovës (IHMK) njofton se sot dhe nesër në vijim vendi ynë do të ndikohet nga masat e ajrit me presion të rritur atmosferik. Në këto kushte anticiklonike do të mbajë mot me pak vranësira dhe kryesisht me diell.Mëngjeset do të jenë relativisht të ftohta edhe për gjatë këtyre dy ditëve të parashikimit, kështu që në orët e para të ditës dhe gjatë natës parashihen ngrica të cilat do t’i rrezikojnë pjesëmarrësit në komunikacion.Temperaturat minimale do të lëvizin ndërmjet -2 deri -1 gradë Celsius, ndërsa maksimalet e ditës parashihen të lëvizin ndërmjet 8-15 gradë Celsius. Do të fryjë erë e lehtë deri mesatare kryesisht nga juglindja.