Sot mbani çadrat me vete, mot i ftohtë e me shi
Ftohtë dhe kryesisht i vranët e me të reshura shiu kohëpaskohe parashihet të mbajë moti në vend, gjatë ditës së enjte. Do të fryjë edhe erë mesatare e mesatarisht e fuqishme nga juglindja 5-13m/s. Temperaturat minimale zbresin në 9C e 11C, e ato maksimale mbesin të ulëta dhe luhaten ndërmjet 14C e 16C, njofton Prishtina Weather.Mot jostabil mbetet edhe përgjatë fundjave, ndonëse më ngrohtë me temperatura edhe mbi 20C ditën e shtunë. Të premten, orëve të pasdites priten zhvillime të rrebesheve me bubullima, e të shtunën mbeten mundësi për riga lokale shiu. Nga e diela sërish më freskët dhe me të reshura shiu kohëpaskohe.