Sytë e tu dhe majë Pikëllime janë dhembja ime-Poezi nga Qazim Thaçi

Sytë e tu  dhe  majë Pikëllime janë dhembja ime

_______________________________________________

Sytë e tu kanë ngjyrën e gjelbërimit nga majë Pikëllime

Sikur atëherë kur  frynë  në dimrat e frorit me  fërfëllizë

E si të emërtojë këtë  dashuri me shprehje bishash

Qe vardisën në liqenin e  vdekjes ëndrrat e së ardhmes  

Sytë e tu  dhe  majë Pikëllime janë dhembja ime

Kur kafkat e dashurisë rrugëtojnë drejt Olimpit

Për të zhveshur mistikën e  Sari Sallëtekut si traditë

E si  letërnjoftim i dashurisë emrin e ka lulediell…

Sado që dua ta shijojë Mollën e kuqe si pemë të ndaluar

Sado që dua të falë dashurinë e shpirtit si  testament

Prapë  pikëllimit i jap udhë drejtë Pashtrikut si legjendë

E sytë e tu dhe majë Pikëllime janë dhembja ime..