“Të palëkundur”, Pal Lekaj viziton Thaçin dhe të tjerët në Hagë: Krenar që isha bashkëpunëtor i juaji
Deputeti nga radhët e Aleancës për Ardhmërinë e Kosovës, Pal Lekaj, ka vizituar sot ish-krerët e UÇK’së, që po mbahen në Hagë.Sipas Lekajt, të gjithë pa përjashtim po qëndronin krenarë dhe të palëkundur. Tutje, Lekaj ka thënë se sot më shumë se kurrë është krenar që ishte bashkëpunëtor i tyre “në periudhat më të rëndësishme të popullit tonë për liri e pavarësi”, shkruan Gazeta Online Reporteri.net.“Sot më shumë se kurrë jam krenar që isha bashkëpuntor i juaji në periudhat më të rëndësishme të popullit tonë për liri e pavarësi. Ne besojmë në lirinë tuaj dhe ju jam përjetësisht falenderues për gjithë kontributin e dhënë në të gjitha etapat e mbi të gjitha në këto momente që po mbroni luftën e drejtë të popullit tonë!”, ka shkruar Lekaj.
Postimi i plotë:
Sot nga ora 9:00 deri në ora 16:00 kisha nderin dhe privilegjin e veçantë të takoja për orë të tëra miqtë e mi z. Hashim Thaqi, z. Kadri Veseli, z. Rexhep Selimi, z. Jakup Krasniqi, z. Hysni Gucatin, z. Nasim Haradinaj dhe z. Pjetër Shala.Një emocion i veçantë për mua të takoj sot në rrethana krejtësisht të pa logjikshne njerzit të cilët janë e kaluara e lavdishme, e tashmja shtetndërtuese dhe e ardhmja historike e Kosovës. Të gjithë pa perjashtim po qëndronin krenar dhe të palekundur se kjo është vetëm një sfidë e radhës ndër dhjetra të tjera në këto tri dekada sfide sa do e pa drejt por të bindur se do të arrijnë ta ngrisin në piedestal pastërtin e luftës tonë për liri e shtet. Ndër shumë momente sot që më bën krenar ishte edhe takim i shkurtër me Komandat Calin. I pathyeshëm dhe shumë i bindur që në fund do të dal triumfues. Në fund të gjithë pa përjashtim më thanë të ju përcjell urimet më të mira në vigjilje të Krishtlindjeve dhe Vitit të Ri.Sot më shumë se kurrë jam krenar që isha bashkëpuntor i juaji në periudhat më të rëndësishme të popullit tonë për liri e pavarësi.Ne besojmë në lirinë tuaj dhe ju jam përjetësisht falenderues për gjithë kontributin e dhënë në të gjitha etapat e mbi të gjitha në këto momente që po mbroni luftën e drejtë të popullit tonë!