Vargje në vigjiljen e 15 Vjetorit te Pavarësisë nga –Qazim THAÇI

Legjenda në bronz

/Heroit Xhevat BERISHA/

Kur duhej në banka shkolle.

Nxënësit dije të zinin.

Në maje Pikëllime.

Xhevati maste me pëllëmbë dore.

Gjeografinë e At-dheut.

Ditën kur i  duhej Kosovës

Ti jepej besa e At-dheut

Ti jepej besa e tokës

Xhevati trishtë e shihe robërinë

Andaj, vuri gjakun e tij në themele

Të kësaj kulle me emrin LIRI.

Legjenda  që shpërndan

Rreze drite për lirinë

Ka emrin e Heroi trim që me laps

Pushkë e mendje kaliste  ardhmërinë

E kësaj toke të zhuritur

Gjithkah qiellit të kaltër shoh buzëqeshjen tënde

Hero i tokës arbërore me emrin e atdheut

Bubullimë dashurie mbi legjendë

Herët ke shtrirë amanetin deri në Arbëri

Edhe atje ku flitej Arbërisht

Xhevat ,sot këmbëkryq si dikur në’’Shadërvan’’

I bëmë një rezyme kësaj pak lirie

Të harxhuar istikameve në betejat në Vërri.