Vjeshta dhe bukuritë e saj Shkruan:Msc.Benike Aliaj
Bukuritë e vjeshtës kanë ngjyrosur botën me ngjyrat e saj mahnitëse e të ndezura. Përvec shiut, vjeshta na sjellë dhe një mori materialesh e elementesh të mrekullueshme për të bërë vepra natyrale e unike nga duart tona.
Ekzistojnë shumë lloje të gjetheve me forma e madhësi të ndryshme, lule të cilat lulezojnë në po këtë stinë, e që na mundësojnë të zbukurojmë që nga kopshtet tona, ashtu dhe ambientet e brendshme të shtëpisë me ikebane e vazo me lule prej më të bukurave. Si lule e dalluar e vjeshtes është Krizantema dhe Viola.
Frutat e thata (arra, lajthi, gështenja) si dhe frutat vjeshtore (portokalle, thana, shega), janë një element tjetër që mund t’i përdorni dhe me pak ide të arrini tek një aranzhim fantastik. Ato mund të jenë të përshtatshme posaçërisht për krijimin e kurorave të varura në dyer por dhe në ikebane. Me një kombinim të tillë ambienti ku rrini e jetoni merr një pamje e shije tejet të bukur e frymëzuese.
Ngjyrat të cilat mbizotërojnë në këtë stinë janë: e verdha, portokalli, e kuqe, vishnje, e kafta, shampanje, jeshil si dhe ngjyre ari e argjendi. Enterieret e brendshëm prej kohësh kanë adoptuar bukuritë e paimitueshme të dhuratave që na i sjell vjeshta.
Festat e fundvitit
Ҫdo sezon festiv ka tendencat dhe bukuritë e saja të modës.
Viti i ri është një nga festat më të dashura dhe të dëshiruara nga të gjithë e në vecanti nga fëmijet. Për të gëzuar fëmijet dhe për të festuar atë në mënyrë të përsosur, ju duhet të krijoni atmosferën e përshtatshme.
Në fund të vitit shumica nga ne kemi për të blerë diçka të re, që është plotësisht e drejtë për këto ngjarje festive. Si stoli për shtëpinë, topa e ngjyra, fjongo dhe forma të ndryshme të ndriçuesve dekorativë.
Është një gabim i madh të besohet që një aranzhim i tillë në shtëpi mundë të jetë i kushtueshëm, natyra malore na ofron shumëllojshmëri të zgjedhjeve, prandaj, mos nxitoni, pasi me pak ide dhe një shëtitje në natyrë mund të furnizoheni me elemente natyrore si degë të bimëve dekorative, hala dhe kone të pishave etj, të cilat do e zbukurojnë mjaftueshëm ambientin tuaj familjar. Një kombinim i bukur i ngjyrave dhe elementeve mund t’ju ofrojë atë që dëshironi.
Kohëve të fundit kanë filluar të përdoren ngjyra të ndryshme për dekore, por ngjyra e kuqe, ari dhe argjendi mbeten gjithmonë të preferuarat e secilit. Shembuj të ideve i kemi paraqitur në figura.
DISA SHEMBUJ TË ARANZHIMEVE VJESHTORE DHE FESTAVE TË FUNDVITIT TË CILAT MUND T’I PUNONI ME PAK MUND ME DUART TUAJA, NË SHTËPITË TUAJA I KEMI PARAQITUR NË FIGURAT E MEPOSHTME.
