Zafir Berisha: Kurti po e vret veten, nuk ka budalla në Kosovë që shkon në burg për të

                        “Mendoj që Albin Kurti është duke vrarë vetveten, nuk ka budall në Kosovë që humb kohën në burg për Albin Kurtin”.Kështu ka deklaruar ish-luftëtari i Ushtrisë Çlirimtare të Kosovës, Zafir Berisha pas deklaratave të Faton Klinakut nga OVL – UÇK.Berisha ka deklaruar se deklaratat e Klinakut u devijuan qëllimisht. Krahas kësaj, ai pati kritika për ekzekutivin dhe kryetarin e Kuvendit, Glauk Konjufca.  “Mendoj që Albin Kurti është duke vrarë vetveten, nuk ka budalla në Kosovë që humb kohën në burg për Albin Kurtin. Sepse ai çdo ditë nga pak po e vranë vetveten. Mendoj se deklarata është devijuar qëllimisht në radhë të parë nga Glauku, shefi i bandave të hienave. Shefi i bandave të hienave të rrjeteve sociale sepse ky debat ka të bëj për të iu ikur dështimeve të Qeverisë dhe super skandaleve që po ndodhin. Mendoj se kjo çështje u rrit shumë më tepër sesa është dashur të rritet”, ka deklaruar ai në RTV Dukagjini.“E njoh deri diku Faton Klinakun i cili nuk është prej asaj kategorie të njerëzve që shkon në burg për Albin Kurtin, i cili vret çdo ditë vetveten”, ka deklaruar Berisha.Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës (OVL UÇK), Faton Klinaku, është intervistuar nga Prokuroria Speciale lidhur me deklaratën e tij për kryeministrin Albin Kurti, e cila u vlerësua si kërcënim ndaj tij. Lajmin për Dukagjinin e ka konfirmuar vetë Klinaku, duke bërë të ditur se ai është intervistuar në prani të avokatit të tij, duke mos dashur të japë më shumë detaje.Klinaku ka ndarë dje në rrjetin social në Facebook një bisedë që ka pasur me një votues të Kurtit, ku, ndër të tjera, ka thënë se “më parë e vras Albin Kurtin sesa që ia lëshoj rrugën e iku nga Kosova”.