Fryma poetike e së martës me poeten;-Meri BO
Refuzoj !
———————————–
Mos më kërkoni, të puth natën
kur mbretëria ime quhet dritë.
Refuzoj të urrej
kur brenda meje vallëzojnë dashuritë.
Refuzoj, të vras shpresën
kur unë jam vetë një shpresë
E refuzoj me forcë shtirjen,
kur jam me dritën kaq e drejtpërdrejtë.
E refuzoj alfabetin e gjesteve të trupit
dhe të mos marruarit frymë, me mushkëri
Lëkura ime ka një kujtesë kaq të prekshme,
refuzoj, mos ti ngre një kult dashurisë.
Një kult prej zërash pranverorë
dhe rrahjesh zemre.
Refuzoj të jetoj me iluzione
përballë të vërtetave.
/www.QendraPress.com/
