Fryma poetike me poeten;Teuta OSMANI
Doni , s’doni…!
———————————-
Disa duan të më zhysin nën dhe
Të më mohojnë akoma edhe emrin
Të më shëmtojnë me fjalët zeherr
Të më poshtërojnë edhe sinqeritetin!
Disa duan t’u dukem edhe ndryshe
Po ndryshe kurrsesi nuk bëhem!
Disa duan të zhvesh edhe lëkurën
Kur në poezi kam zhveshur e të shtatën!
Disa duan të më ofendojnë publikisht
Derisa e tyrja t’u eci deri në amin!
Disa duan të më heqin nga vëndi shpirtin
Për të ma bërë më të zi se të tyren shpirt!
E pra , kjo jam unë e nëse po ose jo u pëlqen
Nuk zbardhem më shumë se sa në dritën Diell
As në sytë e mi që më shkëlqejnë, shkëlqejnë
As në lëkurë, që vetëm kam ndjerë, ndjerë!
Nuk mund të më mohoni fjalët e shpirtit
As mundimet e trupit, e as sëmundjet
As vargjet që i kam prej dhuntisë nga Zoti
Se jam kjo që po ju shkruaj, doni a s’doni!
Amerikë. Dhjetor,2022
