Fryma poetike të së dielës me poetin;-Qemal MEHMETI

BREZIT TIM

————————-

Plotë ëndrra dhe shpresë ishim,

edhe kur jeta pa mëshirë na ka sfiduar,

kurrë nuk na u hoqën brengat,

me epokat duke u ballafaquar.

Një jetë të tërë

të sekuencuar e jetuam,

të vetmin faj kishim,

të jetojmë të lirë pse dëshiruam.

Sikur e gjithë bota

dëshiruam të jetojmë,

në qiellin tonë të hapur,

të lirë të fluturojmë.

Realizimin në jetë

secili nga ne ka synuar,

atdheun ta shihnim të lirë

gjithmonë kemi dëshiruar.

Përmbysje dhe ndërrime epokash

mbi kurrizin tonë janë thyer.

retë e zeza tani më janë zhdukur,

shpresat të shuhen nuk duhet lejuar.

/www.qendrapress.com/