Fryma poetike e së dielës me poeten;-Albulena LETAJ
RRUGA E GURBETÇARIT
———————————————-
Eh! Sa të rinj këtë rrugë e zgjodhën
Jetë më të mirë për t’kërkuar
Lan pas vetes gjithçka patën
Nëpër rrugët e botës vërshuan
Seç rënkon qielli nga lart
Kur sheh nënën si vajton
Kur i flet hënës natën vonë
Rrugën të birit me lutje t’ia ndriçon
Hëna seç u bë e plotë
Yjet plot shkëlqim lëshuan
Lotin n’sy e dhimbjen n’zemër
Nënëngratës ia kuptuan
Eh! Një ditë ky shpirt u lodh
Trupi saj filloi të plaket
Gjersa zemra saj së rrahuri pushoi
Ky rrugëtim kurrë nuk mbaroi
Pa më thuaj çfarë arrite
Jeta vdekja s’kanë termin
Vdiq syhapur e përmalluar
Ti s’arrite as në varrim
/www.qendrapress.com/
