Fryma poetike e së mërkurës me poeten;Anita HOXHA
Kujtesës sime
—————————
Kur kujtesës sime ti, të vish
Të gjesh një vend që ti e di,
Kur mbrënda zemrës të arrish…
A do më njohësh, nuk e di !?
Do vish rrotull, në zemrën time
Do mbetesh peng ti, i habitur…
Kam ruajtur dhimbje e gëzime,
Si një mur malli, mbrënda ngritur !
Si në pasqyrë, do shohësh veten
Do të neveritet, ai shembëllim
Do pyesësh vetëm për të vërtetën,
A isha mall, apo thjesht, harrim !?
Kur kujtesës sime, ti të vish
Do jem aty prap duke të pritur…
Dhe mbrënda zemrës do të rrish,
Si nje dhuratë, nga festat zbritur !
Mos u tremb, mos ik me frikë
Nuk ke më, me kë përplasësh tjetër
Nëse s’mundesh, prap ti ik
Në atë shteg kujtese, të vjetër !
/www.QendraPress.com
