Fryma poetike e së mërkurës me poetin ;Selim Tahiri 

Zëri yt, ai zë bilbili

/Përkushtim këngëtarit F.LL/

———————————

Sa herë dielli mbi kodër të dalë

E mbi Vraniq rreze t’lëshojë

Kënga jote për dëshmorët tanë

N’fusha e n’male do t’jehojë.

Kur të vjen e bukura stinë

E në çdo cep lulja të dalë

Në fushë e mal, kodër e lëndinë

Kënga e Sylarushës do na zgjojë mall.

Kur kurbetçarët larg të shkojnë

E të ndjejnë mall për vendin e vet

Këngën e Kurbetçarit do ta dëgjojnë

E zëri yt, n’vendlindje do t’i kthejë.

Zëri yt i ëmbël, si i bilbilit t’malit

N’dimër e n’verë, do jehojë gjithmonë

Si dielli që kurrë nuk ndalet

Si një krua që kurrë s’shterron. /www,QendraPress.com/