Çaste poetike me poeten;-Mimoza Panahori XHINDI

Dukem e fortë, por pa ty s’mundem

————————————

Dukem e fortë, me hap të sigurt,

me buzëqeshje që fsheh një gur,

i mbledh copëzat e shpirtit të thyer,

dhe eci përpara, por brenda jam zhdukur ne humnerën gri

Më shohin njerëzit, më thonë “A je mirë?!”,

Më japin kurajë, më flasin çdo ditë

Por s’e dinë se brenda meje është një boshllëk

gërryen çdo ndjenjë, më tret çdo dite

Ti shpirt ishe drita, ti ishe fjala,

prej teje mësova si rritet një shpirt

Por tani nata më gjen e vetme,

me hijen tënde në shpirt të ngrirë.

Fjalët që s’ti thashë, më rëndojnë mbi gjoks,

përqafimet që mungojnë, më digjen në duar,

sikur koha të ndalej, të të kthente ty,

do ta braktisja çdo gjë ,e lumtur t’jetoja me ty

Dukem e fortë, por vetëm unë e di,

se si më lëkund çdo frymëmarrje në shpirt

Pa ty jam veç një hije e vetes,

një trup që ecën në errësirë .

Ndiej dhimbjen kudo e zemra s’guxon të rrahë më

SI DIKUR

/QendraPress.com/