Çaste poetike me poeten;-Ajete POVATAJ

KUJTIMET

————————-

Në këto orë të vona

heshtja më ngulfat,

e kaluara më rëndon.

Kujtimet e mbushura lot

ma kthejnë të kaluarën.

Dhe unë

bashkë me të djeshmen

Mbyllem në kështjellën

e përjetësisë.

Luhatem në kohë të pakohë

andej e këndej,

dënesi bashkë me kujtimet.

E kapluar me të djeshmen

ëndërroj ditën e re

Plot rreze dielli.

Shpresoj në mëshirën

e një të ardhmeje më të mirë.

/QendraPress.com/