Fryma poetike e së mërkurës nga poetja;-Valbona HADRI

Rreze shprese

————————

Dua ta vizatoj mëngjesin e pranverës nën rreze drite

dhe cicërimat e zogjve t’i pikturoj,

me përqafime nënash të reja,

Sybukura!

Dua ta mbush kraharorin me ozon dhe fjalë të arta dashurie

Nga ato që i thuhen vashës në takimin e parë, te kroi i argjendtë.

Dua.

Të përkëdhel butësinë e mëndafshtë të tulipanëve.

Pastaj të mbulohem prej tyre.

Pranvera nuk mund të vijë pa aromën e trëndafiltê.

Dua të mbushem me fuqinë e fjalëve t’ua.

Me egërsinë tënde superiore

Si div përralle

Për tu ndier e fortë në këtë botë të ftohtë meskinesh

/QendraPress/