Palokaj të shtunën sfidohet nga Novak në eventin Oktagon 69-Shkruan;Bashkim KAJDOMÇAJ,analistë sportiv.

 Gjoni Palokaj, që ka një seri të shkëlqyer si luftëtar profesisonist në arte marciale (MMA), të shtunën në Dortmund , me përkrahjen edhe të bashkëatdhetarëve , pret fitoren e radhës. Shiten të gjitha biletat 48 orë para meçit.Diaspora shqiptare shumë e interesuar të ndjek nga afër dhe mbështes Palokajn. Gjoni Palokaj është një luftëtar profesionist shqiptar i arteve marciale të përziera (MMA). I lindur më 13 shkurt 1995 në Hanover, Gjermani, me prejardhje nga fshati Velezh i Prizrenit. Ai, garon në kategorinë me peshë pendël (66 kg) dhe ka një rekord profesional prej 10 fitoresh dhe 3 humbjesh. Gjoni filloi rrugëtimin e tij në MMA nën udhëheqjen e xhaxhait dhe trajnerit të tij, David Palokaj, themelues i Fightschool Hannover. Davidi, ka një karrierë të pasur në MMA, Luta Livre BJJ dhe boks, me eksperiencë të gjerë stërvitore në Brazil, të cilën me mjaftë sukses po e përcjell te Gjoni. Në vitin 2023, Gjoni nënshkroi kontratë me OKTAGON MMA, një nga organizatat më të mëdha të MMA-së në Evropë. Ai ka shënuar fitore të rëndësishme në këtë organizatë, duke përfshirë një fitore me vendim unanim kundër Karol Ryšavý më 9 nëntor 2024. Aktualisht, ai është në një seri prej pesë fitoresh radhazi dhe synon të kalojë në Ultimate Fighting Championship (UFC). Meçi i tij i ardhshëm është më 5 prill 2025, kundër sllovakut Marco Novák në eventin OKTAGON 69, që do të mbahet në Ëestfalenhalle në Dortmund të Gjermanis. Për meçin ka interesim, vçmas nga diaspora shqiptare. Kapaciteti i sallës është 20 mijë vende, dhe të gjitha biletat janë shitur. ‘Të shtunën pres të shënoj fitoren e radhës ndaj Novak. Besoj që në Dortmund, do të ketë edhe shumë shqiptarë, që do të më japin dhe më shumë zemër drejt fitores’, thotë Gjoni në prag të meçit. Gjoni gjithmonë hyn në ring me flamurin shqiptar. Ai shprehet: “Kur e mbaj flamurin kuq e zi në shpinë, ma jep krejt fuqinë e botës. Faleminderit shqiptarë që më përkrahni, faleminderit Zot që më ke lindur shqiptar, thotë ai.” Përveç karrierës së tij në MMA, Gjoni ka përfunduar studimet në Inxhinieri Elektronike dhe ka punuar në Volkswagen Hannover. Megjithatë, ai tani është fokusuar tërësisht në karrierën e tij sportive.