Fryma poetike e së mërkurës me poeten;- Gjelina Maçi KEÇI

—————————–

Falmë o zot krahë t’i shkoj në përqafim,

Mallin njëherë e përgjithmonë ta tres,

Ta sodis kur fle e shpirti të gjejë shpëtim,

Se vdekja qenka e njëjtë si të pres.

Ja ,dhe sonte erdhi mbrëmja

Dhe unë që pranë ah, s’të kam,

Peshë të madhe mban zemra

Syri lotin dot s’e mban.

S’mundem të mos vuaj për ty

Ndaj dhe hënës gjatë ju luta;

Eja në ëndërr të të shoh në sy

Eja shpirt sa t’i puth faqet e buta!

Të ngopem me aromën tënde

Kur dorën ta zgjas nëpër flokë,

Dije se të kam ritëm zemre

Larg teje s’ka vlerë kjo botë !

Dhe ëndrra kur të më dalë

Do të thërras me sa kam fuqi,

Vetëm pritja jote më mban gjallë

Se në verë do jem sërish me ty.

/QendraPress/