Çaste poetike me poeten:-Fatbardha Xhani MYSLIMAJ

TRE HAPA LARG

——————————-

Tre hapa larg lumturisë

Më mbetet të prek ajrin që trazoi

Cicërima e gëzueshme e një zogu gri

Tek largohet lehtazi si i ëndërrt

E bëhet pikë e zezë në kupë të qiellit.

Dy hapa larg lumturisë

Një aromë e njohur më ngacmon

Një lule kthen kokën njomështake nga unë

Një gjethe pikon vesën mbi dorën time

Një bletë vjedh mjaltin në zemrën

E një Margaritë.

Një hap larg lumturisë

Një përqafim i munguar gjatë

Dy bebëza të zmadhuara përloten

Dy duar dridhen si gjethe nën fllad

Një zemër rreh nën këmishë të kaltër

Zë dridhur dikush thotë: dritë!…

/QendraPress/