Çaste poetike me poeten;-Lola SHEHI

MARGARITË

——————————-

Fluturove drejt qiellit e imja Margaritë

Tashmë, do aktrosh në përjetësi.

Do vishen sot me të zeza të gjitha bukuritë

Spektatorët e tu, yjet në kaltërsi.

Fluturove si ëngjëll atje mes ëngjëjve

Në k’të qiell pranvere dehur aromë lulesh

Do mbretërosh skenën e pafundme të galaktikës

Me buzëqeshje dive, para duartrokitjeve përulur.

Poetët të kanë shkruar mijëra vargje

Aq sa do xhelozoheshin dhe perënditë

E rebeluar dhimbjes për ikjen tënde, më vjen të ulëras

Është vajza e qytetit tim!

E imja Margaritë!

Ti, mbretëresha e parajsës!

Bukuria mbi të gjitha bukuritë!

Diva e artit shqiptar!

E jona Margaritë!

/QendraPress/