Çaste poetike me poetin;-Rexhep F.MORINA

ZHGËNJIM

——————————————-

Ëndërronim në moshë rinore për një jetë më të mirë,

Jashtë pushtuesin e egër barbar, atdheun tonë të lirë.

Përpjekjet ishin vetëmohuese për idealin e shenjtë,

Dhe bijtë e popullit në luftë, flijuan jetën e shtrenjtë.

Që të triumfoj e mira kundër asaj të keqes tmerruese,

Të ndrit i zjarrti diell, me rrezet e bardha ngazëlluese.

Çuditërisht jeta shoqërore, pësuaka etapa ndryshimesh,

Të ngufat dëshirat, të lë kukuvajkë në këngë vajtimesh.

Askush s’të qas,nëse je përballur me sfida e mundime,

Të mohojnë rrugën e gjakimeve dhe të falin zhgënjime.

Ata që kanë arritur kontroll mbi zhvillimet e përditshme,

Nuk lënë hapësirë integrimi, me veprime të neveritshme.

Mbizotëruesve u duket se janë alfa e omega përmbi dhe,

Ti mbetesh i përbuzur, që dhe gjak e gjymtyrë për atdhe.

Kjo tokë e dashur, skuqur me gjak, kjo e jona republikë,

Nuk ta jep një copë bukë, thotë më shpejtë nga vendi ikë.

Kështu thonë oligarkët pushtetarë, që shtetin e bënë çiflig,

Ti luftëtar i lirisë, mbetesh bredharak rrugësh si njeri i lig.

/QendraPress