Çaste poetike me poetin;-Skender BERISHA
E SHKRUAR MË 5 MAJ
————————————
Ju pashë edhe këtë mëngjes
nuk kishit ndryshuar aspak
të hequr fytyrës e të menduar
të menduar sa kohë për mua
tungjatjeta ju të pandryshuarit
përjetësisht ju që mbetët në ne
pas ca rrëke gjaku dhe lule ore
lule e buzëqeshjet që mbollët ju
qesh mali përkarshi vi deri te ju
ju shoh sa qartë edhe sa mirë
qielli i veshur bukur deti blu
e bëtë të lirë ju dhe vetëm ju
tash po rriten pishat atje në gur
sa po shndrit sot oh ky flamur
5 maj 2013,Prizren
/QendraPress/
