Çaste poetike me poeten:- Dava GjOKA

MOS HARRONI DHE N’KURBET…

/ Nipave të mi /

—————————–

Lindur ,rritur në mërgim

Gjuhën shqipe kanë mësuar

Të dy djemtë e vllaut tim

Që prej vitesh ka mërguar

Kisha kohë ,unë , pa i parë

Të dy bashkë nipat e mi

I përqafova sot me mall

E me shumë dashuri

Dhe ata shumë m’u afruan

Sepse unë jam gjaku i tyre

Pika loti më kulluan

E m’ranë mua prej dy syve

Zemra mal ,sot ,m’u bë mua

Kur i pashë nipat e mi

S’e dinë ndoshta sa i dua

Se të dy jetojnë n’Greqi

Për përkthyes ,nevojë nuk kisha

Se me ne fliste veç shqipja

Oh sa e lumtur ,sot ,unë isha

Kur shqip fola me dy nipa

Shqipen bukur kanë mësuar

Nipat që i kam si drita

Nanë e babë dhe pse mërguar

Nuk harrojnë ,janë nga Mirdita

Me Leandron e Joanin

Ndejtëm pak e s’hoqëm mallë

E më shumë e shtova mallin

Se di kur ,prap ,kanë me ardhë

Amanet nipat e mi

Që ju kam në dhe’ të huaj

Kur të vini në Shqipni

Veç shqip flisni n’vendin tuaj

Çdo komb ka gjuhën e vet

Dhe ne kemi gjuhën shqipe

Dhe pse larg atje n’kurbet

Jeni djem e bij Mirdite

/QendraPress/